Gjatë javës së parë të janarit Policia sekuestron pesë armë zjarri në Prishtinë

15:06 | 9 Janar 2024
Rreze Sylhasi

Policia e Kosovës përmes një postimi në Facebook ka bërë të ditur se vetëm gjatë javës së parë të janarit janë sekuestruar pesë armë zjarri në rajonin e Prishtinës.

Sekuestrimi i këtyre armëve është bërë në disa lokacione të ndryshme.

“Zyrtarët policor të stacioneve dhe njësiteve të Drejtorisë Rajonale të Policisë në Prishtinë , gjatë javës së parë të janarit, kanë shoqëruar në stacione policore pesë persona, të cilëve u janë sekuestruar pesë armë zjarri dhe municion”, shkruhet në postim.

Sipas policisë, personave të dyshuar u është iniciuar rast për mbajtje në pronësi, kontroll ose posedim të pa autorizuar të armëve dhe në konsultim me prokurorin e shtetit.

Në lidhje me këtë, katër nga personat e dyshuar janë liruar në procedurë të rregullt, ndërrkaq njëri nga të dyshuarit është dërguar në mbajtje për 48 orë.

Postimi i plotë:

Shpërndaje në rrjete sociale

Lajmet më të lexuara

Të ngjashme

Foto lajm